Iniulat ni Mayor Adrian Davoco ang kanyang huli at makahulugang “Ulat sa Bayan” (State of the Municipality Address) noong Marso 17, 2025, sa Municipal Function Hall ng Basud na dinaluhan nina Vice Mayor Ramir A. Barrameda, mga miyembro ng Sangguniang Bayan (SB), Municipal Local Government Operations Officer (MLGOO) VI, Engr. Lara Mae P. Baptisma, LGU Department Heads, mga kinatawan mula sa Civil Society Organizations (CSOs), National Government Agencies (NGAs), mga guro, Barangay Councils at iba pang mga panauhin. Inihayag ni Mayor Davoco sa kanyang ulat ang mga programa at proyekto ng administrasyon na naglalayong mapaunlad ang ating bayan at makatulong sa mga mamamayan – mula sa mga programang panlipunang kapakanan hanggang sa pagpapaunlad ng imprastraktura. Binigyang-diin rin niya ang mga prestihiyosong parangal na natanggap ng munisipalidad tulad ng pagiging 3rd time SGLG awardee at ang pagiging First-Class Municipality mula sa pagiging Third-Class Municipality at iba pang mga parangal. Tunay na sa pagtutulungan, makikita natin ang kaunlaran. ⁣⁣

Higit pa rito, binigyang-diin ni Mayor Davoco na ang tagumpay ng munisipalidad ay nakasalalay hindi lamang sa mga lider kundi pati rin sa aktibong pakikilahok ng buong komunidad. Dahil dito, hinimok niya ang lahat na patuloy na magtulungan para sa mahusay na pamamahala, kaunlaran, at malasakit sa kapwa.

Pindutin para sa buong detalye